Fótbolta- og fjárfestingarfélagið Söllenbergers

Söllasönglög II

2010-05-09T15:14:00.012Z

Allir Söllar kannast nú við lagið fræga "Söllerí-Söllera" sem prýtt hefur síður söngbókarinnar Maður má nú fá sér í dágóðan tíma.

Þar sem að kaflinn "Fótbolta- og fjárfestingarfélagslög" er hins vegar heldur tómlegur með einungis einum texta, tók ég mig til og staðfærði frægt Stuðmannalag, textinn fer hér fyrir neðan. Og þó svo að Sigurjón okkar sé ekki digur, passaði það einum of vel í textann að heiðra upphaflega Stuðmannatextann til að hægt væri að sleppa því.

---

Söllar: Í komandi kjöri
Söllarnir styðja sinn mann
Hann stefndi á framboð
og smáflokkinn Framsókn hann fann
smáflokkinn Framsókn hann fann
Við erum komnir til að sjá hann sigra - Sigurjón digra
Við erum komnir til að sjá hann sigra - Sigurjón digra

Í kjallara Cösu,
setur hann Papa Roach á
Efstan á lista,
Viljum við Sigurjón sjá
Viljum við Sigurjón sjá

Við erum komnir til að sjá hann sigra - Sigurjón digra
Við erum komnir til að sjá hann sigra - Sigurjón digra

Sigurjón digri, við styðjum þig gegn því
að þú látir loks sjá þig, næsta Frokosti í,
næsta Frokosti í

Við erum komnir til að sjá hann sigra - Sigurjón digra
Við erum komnir til að sjá hann sigra - Sigurjón digra

Sigurjón: Munið mig að kjósa!
Söllar: Þú færð atkvæði Rósa

Sigurjón: Munið mig að kjósa!
Söllar: Þú færð atkvæði Rósa

Sigurjón: Munið mig að kjósa!
Söllar: Þú færð atkvæði Rósa

Sigurjón: Munið mig að kjósa!
Söllar: Þú færð atkvæði Rósa

Sigurjón: Kjósa, kjósa, kjósa,...
.

Söllavísur X

2009-05-02T19:48:00.000Z

Mikil var Sigurjóns sæla
er Söndru þá loks tókst að tæla.
Löng var hans bið,
en loks fær nú við,
laglega dömu að gæla.

Söllavísur IX

2009-05-01T23:58:00.002Z

Athygli sértaka vek ég á innrími í 1., 2., og 5. línu:

Scientistarnir þeir smá fá
sjokk er þeir fá Rós'að lít'á
inni á baði
þeir æpa með hraði
"ÓMÆGOD! KOMIÐ MEÐ SMÁSJÁ!"

Söllavísur VIII

2009-04-30T01:31:00.001Z

Bæjarfeng lagði á bakið
byrjaði Rósant svo skakið
sekúndu síðar
og sæluhroll gríðar
kom smávaxinn Rósant í lakið

Söllavísur VII

2009-04-29T10:09:00.005Z

Lítið þáði Hemmi hrós
um höfugt tól að neðan.
Torvelt var að tæla drós,
telpan hefur séð 'ann.

Söllavísur VI

2009-04-27T13:01:00.003Z

Af ótrúlegum "problem solving skills" Hlyns. Vek sérstaka athygli á skothentu innrími í fyrstu línu braghendunnar:

Ef í vanda vinur lendir
Svarið alltaf sama er
"Sjá! Andhverfum hér og hér"

Söllavísur V

2009-04-26T23:30:00.001Z

Hlynsa gyðja sannköll sér
en sneypist aftur hjartsærð
Aðspurður hann ansar mér:
"Eigi var hún rauðhærð"

Söllavísur IV

2009-04-26T22:57:00.003Z

Selur sig hann Siggi Max,
stúlka æst hann tottar.
Þurfa ekki að borga tax,
ef þær eru flottar.

Söllavísur III

2009-04-26T22:38:00.006Z

Hárprúður Hermann í heitum leik,
í herbergi hjá Þossa.
Sannir söllar trufla sleik,
skrækja með bera bossa.

Söllavísur II

2009-04-26T19:43:00.002Z

Fyrir Rósant, kvöldin dimm
er ekkert mál að ná sér
í glæsipíur, fjórar, fimm
og fara heim og sofa

Söllavísur

2009-04-26T17:10:00.002Z

Sölli flinkur frægur er
því feikna er hann dóni
félag heilt til heiðurs sér
heitir kappinn Rósant

Ég ætla að

2009-01-16T03:20:00.002Z

mæta á laugardaginn, en þú?

Áramótabolti

2008-12-29T14:47:00.003Z

Sælir,

Þurfum við ekki að nýta tækifærið og taka góðan bolta á meðan að Útrásar-Söllarnir eru á landinu? Hvernig líst mönnum á kl. 13 á morgun (þriðjudag) eða kl. 13 á gamlársdag? Camp East eða Lindó?

Kv,
Ásgeir

Søllefrokost 2008

2008-12-09T22:49:00.003Z

Sælir verið Söllar,

Hér má finna auglýsingaplakat Søllefrokosts 2008. Eins og sjá má er dagskráin og matseðillinn ekki af verri endanum og því um að gera að millifæra sem fyrst yfir á glænýjan reikning félagsins, með kennitölu 671108-1910 (nýja Söllenbergers kennitalan!) og reikningsnúmeri 1154-05-403792. Líkt og glöggir menn taka eftir er 500 kr dýrara fyrir Sölla en maka á þennan fögnuð. Það er þó ekki vegna þess að makarnir borði minna eins og sumir gætu talið heldur er vinna komin af stað til að útbúa jólagjöf Söllenbergers 2008 sem verður ekki af lakari sortinni og því leggst þessi aukakostnaður ofan á matarverðið.

Líkt og venjan er á Söllaviðburðum er ætlast til þess að menn taki með sitt eigið áfengi en boðið verður upp á óáfenga drykki fyrir þá sem það vilja. Skv. Söllareglum verður afgangsfé svo eytt í sameiginlegt áfengi, líklegast fordrykk og mexíkóskt. Beinið endilega öllum spurningum í kommentakerfið á blogginu, vegginn á Feisbúkk eða skilaboðum til mín, Bessa, Svenna eða Þossa eftir því sem við á.

Kv,

Ásgeir

Söllar allir nær og fjær

2008-11-04T15:44:00.001Z

Sælir,

Eins og þekkt er dvöldumst við Brynjar í Baunalandi síðasta vetur. Þar er rík hefð fyrir julefrokostum og skelltum við okkur Brynjar á eitt slíkt hjá Íslendingafélaginu í DTU. Eftir vel útilátna máltíð og einn eða tvo bjóra vorum við ákveðnir að slíkt julefrokost yrði að halda á vettvangi Söllenbergers næstu jól og nú er kominn tími til að huga að þeim málum.

Sjálfur lendi ég á Íslandi 16. desember og ég býst við að flestir Útlanda-Söllar komi heim um svipað leiti. Nemendur HÍ klára próf 18. desember að ég tel svo að þessar skorður setja neðri mörk á dagsetninguna. Ég vil því leggja til að Julefrokost Søllenbergers 2008 verði haldið laugardaginn 20. desember, þetta yrði glæsilegt jólaboð þar sem makar og börn yrðu meira en velkomin (uppkomin börn eru þó afþökkuð þar sem þau mundu örugglega klára matinn okkar). Boðið sjálft er allt á vinnslustigi, þ.e.a.s. húsnæði, matur o.s.frv., en það væri fínt ef þið gætuð tekið þessa dagsetningu frá og komið með hugmyndir um hvernig þið viljið sjá framkvæmdina. Í dag er rúmur einn og hálfur mánuður í boðið þannig að það er útilokað að nokkur sem lesi þetta sé kominn með önnur plön, það er því nokkuð ljóst að þetta er atburður með skyldumætingu.

Jólakveðja,

Ásgeir

Boltatími

2008-11-04T00:54:00.004Z

Jæja núna þarf að reyna að finna tíma fyrir okkur þar sem að það virðist ekki ganga upp fyrir okkur að vera í HÍ höllinni á laugardögum. Hemmi spurðist fyrir um tíma í Litla-Sal í Gróttu og þar getum við fengið tíma kl 20-20:50 á laugardegi á litlar fjögurþúsund og e-ð krónur, eða ca 3x meira en tíminn í HÍ. En það er snilld að vita af þessum tíma og gæti vel verið málið fyrir okkur. Hins vegar hef ég áhyggjur af því að við þurfum nett mikið af varamönnum ef að við fáum Litla-Sal á þessum ósiðlega tíma. Einhvern veginn myndi ég halda að oft myndu menn ekki komast vegna matarboða eða teita. Síðan má ekki gleyma því að nokkrir Söllar nota helgar í það að komast eins langt frá Reykjavík eins og þeir geta. Til dæmis til að elta fiðurfé, villta útlendinga eða að spreða gjaldeyri í fjarlægu landi.

Þess vegna ætla ég að viðra þá hugmynd um að reyna að fá tíma á virkum degi. T.d. á mánudegi eða þriðjudegi. Þá helst eftir 17 svo að vinnandi menn nái tímanum og helst sem nálægast helginni til að fá slúðrið. En þetta er með þeim fyrirvara að það sé laus tími og að Samnings-Svenni nenni að kíkja á þessa hugmynd. Ég er alls ekki að loka á þá hugmynd að hafa boltann í Litla-Sal. Ég er bara að reyna að fá smá umræðu um hvað menn vilja. Ef menn kommenta ekki á þetta þá verða menn bara að sætta sig við þann tíma sem að Samnings-Svenni og Hemmi hamar fá. Með von um umræðu, Þorsteinn Snæland

Nú er spurt.

2008-10-18T16:56:00.001Z

Kæru Söllar og lögfræðingar þeirra.

Eins og hvert mannsbarn veit þá er gríðarlegur samdráttur í efnahagskerfi heimsins sem og á Íslandinu stóra. Þessar hörmungar hafa áhrif á okkur öll, fjölskyldur og börn okkar.

Engum hefði órað fyrir því að þetta hefði áhrif á félag okkar Söllenbergera. Nú hefur komið í ljós að nokkrir harðir fylgismenn Sölla hafa flúið land og reynt að finna grænna gras á meðan við hin reynum að hugsa jákvætt og vonum að ferðalangarnir komi heim með þekkingu og gjaldeyri.

Á þessum skelfingar tímum verðum við að snúa bökum saman,verjast og berjast, við þurfum að vera hugrakkir og snjallir. Síðast en ekki síst þá þurfum við að halda áfram að hittast vikulega í Höllinni okkar góðu í HÍ. Nú hefur verið tekin ákvörðun um það að á meðan útrás liðsmanna Sölla stendur sem hæst og við erum eins fáliðaðir eins og raun ber vitni, þá verða menn skipaðir í tvo flokka. Annars vegar Fastamenn og hins vegar Varamenn.

Fastamenn eru þeir Söllar sem að eru skikkaðir til að mæta, eða ígildi þeirra, í hvern einasta tíma sem að haldin er í Höllinni í HÍ. Á þeirra ábyrgð er að mæta eða að hafa mann í sinn stað. Einnig er á þeirra ábyrgð að borga tímana. Ef að tveir eða fleiri Fastamenn geta ekki mætt væri hægt að sleppa því að koma með mann í sinn stað en þá einungis til að halda sléttri tölu. Hugsanlegt er að fjöldi Fastamann verði oddatala. Það á ekki að vera vandamál þar sem að gert er ráð fyrir að a.m.k. einn Fastamaður geti ekki mætt hverju sinni og ætti því slétt tala að nást.

Varamenn eru þeir Söllar eða gestir Sölla sem eru notaðir til að fylla upp í þau skörð sem að myndast þegar Fastamenn geta ekki mætt af einhverjum ástæðum. T.d. til að skrifa undir mikilvæga samninga út í bæ. Tek sem dæmi að kaupa Nýja Glitni, eða Verslunarskólann til að rífa fyrir tennisvöll okkar Sölla. Varamenn borga ekkert fyrir að vera Varamenn en þeir sem að eru Söllar borga auðvitað ársgjöld til að halda árshátíðir og annað sem að ekki þarf að nefna hér.

Þá er talið að það sé langfljótlegast og auðveldast að ná þessum markmiðum sem að ofan eru talin, með því að nota annað hvort vefpóst eða heimasíðu félagsins. Þar sem að þessar reglur eiga rætur að rekja frá Miðvikudagsboltanum fræga má bæta því inn að vefpóstur er notaður til að koma skilaboðum á milli og auðvitað er síminn notaður óspart. Þetta skipulag hefur virkað gríðarlega vel í um 6-8 ár í þeim Bolta.

Þá er aðalmálið núna fyrir hvern og einn að gera það upp við sjálfan sig hvort hann vilji vera Fastamaður eða Varamaður. Vonast er til að ná að minnsta kosti 8 Fastamönnum og hafa góðan lista af Varamönnum. Taka skal fram að þeir Söllar sem að kjósa að vera Varamenn eru ekki lægra settir en hinir Föstu Söllar. Annað mikilvægt mál er að ef að Fastamenn verða 12 eða fleiri þá verðum við eiginlega að fá tvo tíma en það er e-ð sem að kemur í ljós þegar talning þeirra fer fram.

Ljóst er að framtíð Söllenbergera er björt og góð. Við verðum að halda böndin, rækta þessi bönd og nota þessi bönd. Ef ekki þá fer „bé-ið“ af bönd og verður önd sem að flýgur í burtu og e-r skytta eins og Húni gæti skotið þessa önd og borðað. Þá er ekki aftur snúið kæru félagar og vinir. Jæja áður en þetta fer út í e-ja vitleysu þá kveður undirritaður með von um góðar undirtektir þessa bréfs.

Fyrir hönd þeirra 6 sem að mættu í fyrsta tímann haustið 2008,

Þorsteinn Rafn H. Snæland

Óska Söllar eftir greiðslustöðvun?

2008-10-09T23:35:00.002Z

Já, þessi spurning brennur eflaust á vörum okkar allra eftir atburði síðustu daga.

Aðilar, sem Söllar töldu vera vini hafa brugðist með eindæmum og gert Söllum lífið leitt. Nú standa yfir stíf fundarhöld og öll ljós loga í bráðabirgða-höfuðstöðum Sölla (VR II) þar sem öll spil eru lögð á borðið og farið yfir stöðuna.

Ekki náðist í formann stjórnarninnar en viðtals er að vænta innan skamms. Eins og áður sagði þá eru söllar skuldugir og er verið að krefja þá um fé hvaðanæva úr viðskiptalífinu. Einna helst er það starfsfólk íþróttahúss Háskóla íslands sem gengur hvað harðast fram í þessum efnum en skv. heimildum þá skulda söllar þeim nokkrar kúlur.

Söllar leituðu eftir lánsfé frá SÍ en óvíst er hvort undirliggjandi tryggingar dugi, en þær eru víst í formi hlutabréfa í rússneskum áhættusjóð sem er illseljanlegur um þessar mundir.

Ef svo fer að Söllar ákveði að leita til FME þá er ljóst að fé mun tapast. Innlánsreikningur okkar verður þá tekinn fyrir og notaður til að greiða hluta af skuldunum. Mikil óvissa ríkir á meðal starfsmanna og beinast öll spjót að stjórnarformanninum, Ásgeiri Birkissyni en hann á að hafa skipað sér ofurlaun á kostnað hinna.

Svo ég útskýri aðeins mál mitt, þá lögðu stjórnarmenn Söllernberges mikla vinnu í að fá úthlutaða kennitölu en svo seint í gærkvöld kom það í ljós að sú vinna skilaði engu þar sem umsókninni var hafnað. Nú hefur formaður stjórnarinnar ennþá einn umsjón yfir reikningi Söllenbergers. Eins og flestir vita er hann búsettur í Bretlandi og eru bankaviðskipti og millifærlsur ekki vinsæl milli þessara landa um þessar mundir.

Heyrst hefur að ef FME tekur yfir félagið þá mun það heita Nýji Söllenbergers.

Meira síðar...

- Sveinn

Söllaboltinn endurlífgaður

2008-10-04T17:42:00.003Z

Í dag gerði ég mér ferð vestur í bæ, heimsótti íþróttahús Háskólans eins og lofað var og ræddi við starfsfólkið. Ég spurðist fyrir um lausa tima í íþróttasalnum og fékk að skoða planið þeirra. Þá sá ég að 15:45 á laugardögum var laus tími og ég lét til leiðast og bókaði þann tíma. Vert er að taka fram að þetta er einfaldur tími en ekki tvöfaldur eins og tíðkast hefur síðustu ár.

Ég vil því fá að vita hversu margir sjá sér fært að mæta í þennan tíma og ætlast til að menn noti athugasemdakerfið til þess.

Ég vil minna menn á að við þurfum lágmark 8-10 í hvern bolta þannig að við verðum að sjá til þess að það verði alltaf þessi lágmarksfjöldi sem mætir.

Hvað segja menn, á ég að negla tímann eða ekki?

Sveinn.

Jæja kallar!

2008-09-30T12:56:00.002Z

Þar sem að ég þarf að halda mér í formi andlega og líkamlega vil ég að allir kommenti og segi sína skoðum um að panta annað hvort einn bolta-tíma eða tvo. Það kemur sem sagt ekki til greina að það verði ekkert um bolta í vetur. Það væri algjör synd að missa þetta niður. Elska ykkur líka rúsínubossarnir mínir.

Ekkiheimsendabolti

2008-09-10T23:21:00.003Z

Jæja,

Lítið varð fyrir heimsendanum sem við áttum von á í morgun, legg því til að við höfum bolta annað kvöld til að fagna því að heimurinn sé enn til staðar en einnig til að kveðja Bezier sem fer út á laugardaginn. Hvernig hljómar kl. 18 á Lindó?

Heimsendabolti

2008-09-08T16:58:00.001Z

Eins og allir vita verður heimsendir á miðvikudagsmorgunn. Eru ekki allir til í heimsendabolta annað kvöld?

Bolti í kvöld

2008-08-17T16:16:00.001Z

Eru ekki allir spenntir fyrir bolta í kvöld?

Söllakveðjuhóf

2008-08-15T13:35:00.003Z

Sælir, söllar. Eins og þið allir vitið þá munu nokkrir söllar yfirgefa landið í haust og halda út í hinn stóra heim. Þessa sölla þarf að kveðja og því verður haldinn sölladagur á morgun, laugardag. Gróft plan er svohljóðandi: Byrjum daginn á því að horfa á handboltaleikinn sem hefst klukkan 12:40, síðan skellum við okkur í söllasund í Vesturbæjarlauginni, borðum svo pitsu á Eldsmiðjunni og loks förum við heim til Hlyns þar sem við drekkum, syngjum og skemmtum okkur við undirleik ipods Hemma. Hvernig lízt ykkur á þetta? Hverjir sjá fram á að geta tekið þátt? Nánari tímasetningar munu birtast sem athugasemdir.

Söllar á Gay Pride?

2008-08-05T15:10:00.002Z

Í gær kviknaði eftirfarandi hugmynd: Um næstu helgi er Gay Pride hommagangan. Hvernig væri ef við myndum sýna samkynhneigðum samstöðu með því að mæta allir niður í bæ söllabúningum og ganga svo fylktu liði niður Laugaveginn með glænýjan söllafána?

Fimmtudagsbolti

2008-07-31T00:09:00.001Z

Það verður bolti á fimmtudaginn klukkan 20:30 á Lindó. Ætla ekki allir að mæta?

Næsti bolti

2008-07-29T17:35:00.001Z

Hvenær vilja menn hafa hann?

Næsti bolti

2008-07-20T19:53:00.002Z

Fáir virðast komast í bolta í kvöld. En eru ekki allir til í bolta á morgun, mánudag?

2008-07-15T02:01:00.001Z

Fór bara úr lið!

Uppfærsla

2008-07-04T18:17:00.005Z

Eftirfarandi aðilar hafa greitt grill + stofngjald þegar þetta er skrifað (kl. 18:17 föstudaginn 4. júlí):
*Ásgeir
*Brynjar
*Kári
*Vilhjálmur Alvar

Eins og sjá má eru þetta ekki nærri því allir sem ætla sér að koma á morgun svo ég hvet ykkur til að ganga frá greiðslu sem allra fyrst. Stefnan er að fara í búð eftir hádegi á morgun svo að mikilvægt er að þetta verði greitt fyrir hádegi á morgun eða ég látinn vita ef menn ætla að mæta en hafa ekki greitt.

Til að það komi fram í færslu en ekki bara athugasemdakerfi eru makar velkomnir með á morgun, þetta yrði þá fyrsta Fjölskyldu-Söllagrillið. Stefnan er svo sett á bolta á morgun í kringum 14, sund eftir boltann og svo heim til Brynjars en nánari tímasetningar verða auglýstar í kvöld eða á morgun.

--- Uppfærsla kl. 21:30 ---
Því miður er ég ekki með auðkennislykilinn við hendina svo ég get ekki uppfært listann yfir þá sem eru búnir að borga. Hins vegar er orðið ljóst hvernig planið á morgundeginum verður. Matarnefnd fer og kaupir inn kl. 13:00 en fæstir sem lesa þetta þurfa að hafa áhyggjur af því. Síðan er stefnt að stofnfundsbolta kl. 14:15 á stóra gervigrasinu við Neslaug sem stendur yfir í ca. tvo tíma, þegar hann er búinn kl. 16:15 löbbum við svo út af vellinum og beint í sund. Sundið er ca. einn og hálfur tími svo kl. 17:45 ættum við að vera farnir upp úr lauginni. Þá eru tveir möguleikar í stöðunni sem mönnum er frjálst að velja á milli, annars vegar að fara beint til Binna og vera komnir þar kl. 18:00 sem krefst þess að menn hafi þau föt sem þeir vilja vera í um kvöldið með í bolta og sund, eða þá að menn fari heim til sín aftur, skipti um föt og komi svo til Binna. Þeir sem taka seinni kostinn eru beðnir um að vera komnir til Binna kl. 19 helst (nema þá þeir sem eru löglega afsakaðir). Kl. 19 ætti eldamennskan að vera komin vel á veg og menn byrjaðir að sulla í bjór, fyrstu búrgerarnir ættu að byrja að snarka á grillinu kl. 19:20 og þeir ættu að koma af grillinu kl. 19:30 þegar fyrstu Söllar ættu að fá sinn fyrri búrger. Að mati loknum verður svo almenn drykkja og svall eins og segir í uppkasti að lögum félagsins.

Kv,
Ásgeir

Stofnun félags og Söllagrill I, 2008

2008-07-02T19:47:00.003Z

Sælir,

Eins og margir hafa haft pata af verður næsti laugardagur stór dagur í lífi Söllenbergers. Þá er annars vegar stefnt að því að undirrita lög félagsins svo að hægt verði að sækja um kennitölu fyrir félagið og hins vegar verður fyrsta Söllagrill sumarsins haldið. Ný söngbók verður vígð og von er á óvæntum glaðningi tengdri henni.

Lagt hefur verið til að félagið fjárfesti í almennilegum fótbolta til notkunar á æfingum og er verð á honum í kringum 4.000 kr. Kennitala fyrir félagið kostar 5.000 svo samtals eru þetta 9.000 krónur. Þar sem væntur fjöldi stofnfélaga er af stærðargráðunni 10 legg ég til að stofnfélagsgjald verði 1.000 krónur, hugsanlegum afgangi verður skilað aftur til félagsmanna, líklegast á fljótandi formi. Þeir sem greiða þetta gjald munu geta titlað sig Stofnfélaga Söllenbergers sem verður eftirsóttur titill í framtíðinni.

Söllagrillið verður haldið hjá Binna á laugardaginn og er stefnt að því að menn leggi í púkk, matarnefnd sjái um innkaup og grillun á hamborgurum ofan í mannskapinn. Nánari upplýsingar, svo sem tímasetning, verður birt á vefnum síðar en mikilvægt er að fá á hreint sem fyrst hverjir vilja mæta í matinn. Nokkrir meðlimir matarnefndar hafa ákveðið að maturinn á laugardaginn verðleggist á 1.500 kr sem mun duga fyrir fordrykk, tveimur hnausþykkum hamborgurum og meðlæti. Hugsanlegum afgangi mun verða skilað aftur til þeirra sem greiddu á fljótandi formi en menn eru beðnir um að huga að sínum drykkjarföngum sjálfir engu að síður (á mannamáli: afgangnum verður eytt í áfengi en menn ættu einnig að koma með sitt eigið áfengi).

Við getum dregið þessa færslu saman í eftirfarandi niðurstöður:
* Þeir sem vilja verða stofnfélagar og mæta á Söllagrill I, 2008 borgi 2.500
* Þeir sem eingögu mæta á Söllagrill I, 2008, en vilja ekki verða stofnfélagar borgi 1.500
* Þeir sem vilja eingöngu verða stofnfélagar en mæta ekki á Söllagrill I, 2008 borgi 1.000

Upphæðina skal leggja inn á reikning 0311-26-006653, kennitala 131185-2199. Eftir að við höfum gengið frá kennitölumálum munum við svo fá sérstakan bankareikning fyrir félagið sem verður mikið fjör. Fylgist með á síðunni og takið endilega þátt í umræðum.

Kv, Ásgeir

Söllagrill

2008-06-27T00:02:00.001Z

Stefnt er að fyrsta Söllagrilli sumarsins fyrstu helgina í júlí. Hvernig hentar sú tímasetning ykkur?

Fjármögnun

2008-06-24T23:48:00.003Z

Væri ekki vit að reyna að fjármagna félagið með einhverjum hætti? Væri ekki sniðugt að taka lán í jenum og/eða svissneskum frönkum? Er ekki líklegt að krónan sé að nálgast botninn margfræga? Flott að taka lán upp á svona 80 milljónir til 40 ára eftir ca. hálft ár og kaupa eins og eitt stykki raðhúsalengju af verktaka í fjárkröggum. Við getum svo leigt lengjuna út og reynt að halda út þangað til markaðurinn lagast. Lánið reynum við svo að borga upp á svona 30 árum og þá verður þetta bara eintóm gleði og hamingja í ellinni. Datt bara í hug að starta umræðu um fjárfestingar þar sem þetta á að heita fjárfestingafélag. Endilega komið með innlegg.

Bolti í kvöld um níuleytið?

2008-06-12T18:14:00.001Z

Ég er til.

Fastur tími í sumar

2008-06-02T22:29:00.002Z

Sælir,

Við Hössi vorum að ræða um leigu á völlum í sumar og útibolta. Þar sem að útlit er fyrir að ekki náist nægileg stemmning fyrir að leigja Fífuna þýðir ekkert annað en að finna aðra lausn. Það sem að við komum niður á var að við ættum sem fyrst að finna fastan fótboltaspilunartíma sem við stefnum á að spila alltaf á í sumar og svo vonumst við bara eftir góðu boltafæri. Korteri fyrir áætlaðan boltatíma fara svo leitarteymi af stað frá Söllagrenunum (Vesturbær+Nes, Fossvogur o.s.frv.) og leita að lausum sparkvöllum á sínu svæði. Með háþróuðu samskiptakerfi láta leitarteymin svo hvert annað vita þegar laus völlur finnst og hin teymin taka stefnuna á lausa sparkvöllinn. Með þessu fyrirkomulagi ætti hámarksárangur að nást þar sem að strax frá upphafi náum við að kanna gífurlegan fjölda sparkvalla, og samkvæmt lögmáli hins mikla fjöldi ætti e-r þeirra að vera laus. Hvert leitarteymi ætti að ráða yfir bolta svo hægt yrði að byrja spilun strax, þá losnum við við hættuna af því að fullir 12 ára strákar reyni að reka okkur í burtu með ofbeldi.

Þá er það spurningin; Hvernig líst mönnum á þetta og hvaða fasta boltatíma ættum við að stefna að?

P.S. Það er mjög gott að fara í fótbolta hér í Fælledparken, vellirnir eru oftast lausir svo að ykkur langar í bolta um helgina mæli ég eindregið með Danmörku...

Bolti kl. 20:30?

2008-06-01T18:53:00.002Z

Valhúsaskóli eða einhver stærri völlur ef margir eru áhugasamir? Til? Því fljótari og meiri viðbrögð, því meiri líkur á boltanum auðvitað.

Leigja völl í sumar?

2008-05-26T21:37:00.003Z

Sælir, Söllar. Það er oft erfitt að smala mönnum í bolta á sumrin og því hefur þeirri hugmynd verið fleygt fram að við leigjum gervigrasvöll. Rósant Ísak hafði samband við Fífuna sem er yfirbyggður gervigrasvöllur í Kópavogi. Hún á nokkra lausa tíma, m.a. klukkan 20:00 á miðvikudögum. Hvert skipti kostar 6.000 krónur og við fáum afnot af fjórðungi vallarins í klukkutíma. Þetta ætti að henta vel fyrir hóp af okkar stærð og eflaust væri pláss fyrir nýja sumarsölla. Er áhugi fyrir þessu? Látið í ykkur heyra. Þessi tímasetning er örugglega ekki sú eina sem kemur til greina. Að mínu mati hefur þetta fyrirkomulag tvo stóra kosti. Í fyrsta lagi yrðum við með fastan vikulegan tíma og losnuðum því við hina hvimleiðu og óskilvirku boltasmölun. Í annan stað þyrftum við ekki lengur að leita um allan bæ að lausum sparkvelli.

Ferðatilhögun?

2008-05-06T17:21:00.002Z

Binni tekur brokkið á ströndinni vel tanaður og flottur

Jæja litlu ferðasöllar! Það væri gaman að sjá hverju aðrir eru að missa af með því að sýna okkur gróft ferðaplan. Þó það væri nú ekki nema á hvaða hóteli þið eruð á og svo videre. Annars segi ég sjálfur góða skemmtun og góða ferð. ÞS

Næstu laugardagar

2008-04-22T00:10:00.002Z

Sælir, Söllar. Við skuldum íþróttahúsinu 16.500 krónur. Á Söllareikningnum góða eru hins vegar 17.393 krónur og því eigum við samtals 893 krónur. Hver laugardagsbolti kostar 3.000 krónur og því er ljóst að við höfum ekki efni á næsta laugardag, nema við fáum okkur bara sælgæti. Hvað viljum við taka marga innibolta til viðbótar? Eftir tæpar tvær vikur fara margir Söllar í laugardagspróf og því held ég að sá laugardagur sé ónýtur. Hins vegar virtist vera almennur hugur í mönnum að taka einn lokainnibolta næsta laugardag. Hann væri þá jafnframt síðasti innibolti þeirra Sölla sem halda út í heim í haust. Hvað segið þið, kæru Söllar? Eigum við að taka einn bolta í viðbót? Við þyrftum þá að fjármagna hann með einhverjum hætti (mér dettur hlutavelta í hug). Að sjálfsögðu er stefnan svo tekin á a.m.k. vikulegan útibolta í sumar.

Hefur Bessi skipt um ríkisfang?

2008-04-14T14:34:00.002Z

http://www.mbl.is/mm/folk/frettir/2008/04/13/bordadi_kjorsedilinn_i_stad_thess_ad_kjosa/

Einn, tveir og Söllenbergers

2008-04-09T00:53:00.003Z

A.m.k. ég, Svenni og Hössi erum búnir að kaupa miða til Barcelona án forfallatryggingar. Þar með eru hjólin byrjuð að snúast allsvakalega. Nú þurfa aðrir bara að drífa í að panta miða og staðfesta. Við þurfum nefninlega að fá tölu á þetta svo hægt sé að panta íbúð.

Hugmyndir um hótel

2008-04-04T12:15:00.003Z

Nú verðum við að skoða þetta af alvöru og helst að finna þetta um helgina.

Höldum áfram að bæta í safnið:)

Eg veit ekki hvern vid vorum ad reyna ad bloffa...

2008-03-22T20:02:00.001Z

...hverjum datt annad i hug en ad vid faerum til Tekklands i utskriftarferd 2008? Kv, Kafka

Páskafrí

2008-03-18T14:07:00.005Z

Gleðilega páska. Hittumst 29. marz.

Ef einhvern klæjar í fæturna getur sá hinn sami smalað í útibolta.

Heill bolti næsta laugardag

2008-02-21T13:23:00.002Z

Næsta laugardag endurheimtum við fyrri boltatímann okkar vegna sanngirni heimsins (eða eitthvað álíka). Boltinn byrjar því ekki seinna en klukkan 14:15. Mætum tímanlega.

Hálfur bolti næsta laugardag

2008-02-10T22:49:00.000Z

Næsta laugardag missum við fyrri boltatímann okkar vegna danskennslu eldri borgara (eða eitthvað álíka). Boltinn byrjar því ekki fyrr en klukkan 15:00. Mætum tímanlega.

Ferðafélagið Söllenbergers

2008-01-27T21:10:00.000Z

Eins og elstu menn muna nálgast þriggja ára afmæli Fótboltafélagsins Söllenbergers óðfluga en sagnfræðingum ber saman um að það hafi verið stofnað í reykfylltum fyrirlestrarsölum Háskólabíós haustið 2005 þegar að flestir meðlimir félagsins hófu háskólanám. Hið væntanlega þriggja ára afmæli hefur í sér fólgna merkingu, nefnilega þá að flestir þeir eru komu að stofnun félagsins þetta örlagaríka haust koma til með að útskrifast frá Háskóla Íslands næstkomandi vor og af því tilefni eru komnar upp hugmyndir um að bæta nýju dótturfélagi við móðurfélagið Söllenbergers, Ferðafélagið Söllenbergers (takið eftir að öll systurfélögin halda áfram að heita nöfnum sem byrja á "F").

Nánar tiltekið er hugmyndin sú að þegar að prófin klárast við verk- og raunvísindadeildir HÍ, sem ku vera 15. maí, verði haldið út í heim, ný lönd lögð undir fót og vænlegir fjárfestingakostir skoðaðir (væntalega verður lögð áhersla á fjárfestingar í áfengis- og matvælageiranum að þessu sinni). Ferðinni er ætlað að standa yfir í u.þ.b. viku, lagt af stað 16. maí og komið heim í kringum 23. sama mánaðar. Nú þegar hafa margir Söllar lýst sig spennta fyrir hugmyndinni, en gaman væri að fá í athugasemdakerfið hversu margir mundu hafa áhuga á að slást með í för og jafnvel uppástungur um áfangastaði.

Kv,
Ásgeir

P.s. Um daginn var ég í skriflegu prófi hér í Kaupmannahöfn og var þar sérstaklega tekið fram í upphafi prófs að bannað væri að reykja inni í prófstofu á meðan að prófi stæði. Fróðlegt væri að vita hvað mundi gerast ef e-r tæki sig til og kveikti sér í vindli yfir prófi á Íslandi. Sérverkefni fyrir áhugasama?

Viðskiptatækifæri

2008-01-15T20:11:00.002Z

Eins og flestir lesendur síðunnar vita hafa síðustu vikur verið ansi sveiflukenndar á hlutabréfamarkaði. Ég hef því kannað aðra fjárfestingamöguleika fyrir félagið og er kominn á þá skoðun að við ættum að einbeita okkur að því að fjárfesta í hugviti á næstu mánuðum.

Ómetanlega uppsprettu tækifæra er að finna í lokaverkefnamiðlun Stúdentamiðlunar, sem finna má á studentamidlun.is. Í kvöld hljóp aldeilis á snærið hjá mér þegar að ég fann afburðargott verkefni þar inni, nefnilega ritgerðina
Lesbískar mæður: Barneignir og fjölskyldulíf
Ég mæli með því að þið lesið útdrátt hérna og svo söfnum við saman í tilboð (skráð verð fyrir verkefnið er einmitt "Tilboð óskast"). Eftir að við höfum komið okkur saman um hugsanlegt verð skulum við svo senda póst á höfundinn, djusibelja@hotmail.com, mér detta strax nokkrir í hug sem ættu að vera áhugasamir um að fara og skrifa undir kaupsamninginn.

Kveðjur frá Kaupmannanhöfn,
Ásgeir

Hlutafjáraukning

2008-01-14T21:37:00.000Z

Kæru söllar, nú er komið að hlutafjáraukningunni sem boðuð var í tilkynningunum hér að framan. Þeir sem ætla að vera með í vor skulu greiða 3.000 ISK inn á söllareikninginn góða:

Reikningsnúmer: 0311-13-177305
Kennitala: 2502852569

Sumir hafa ekki enn áttað sig á því hvers vegna reikningsnúmerið er töff. Þeir ættu að prófa að lesa það á hvolfi.

Uppgjör fyrrverandi gjaldkera

2008-01-09T16:10:00.000Z

Sæliblessi, Nú um áramótin vissi ég af því að við Söllar mundum detta í lukkupottinn því von var á vöxtum á reikninginn sem ég sá um áður en ég hélt til Kaupmannahafnar. Ég skráði mig því spenntur inn á Netbanka Kaupþings og þar sá ég að þann 31. desember fengum við heilar
378 kr
í vexti fyrir síðasta ár.
Af þeim þurftum við svo að borga 37 kr fjármagnstekjuskatt.

Að öllum þessum reikningum loknum kom í ljós að heildarstaða reikningins eru 1.279 kr. Eins og menn muna gerðum við heiðarlega tilraun til að eyða öllu eiginfé sem við áttum í sumar í Söllagrillveisluna heima hjá Svenna, en e-r peningar urðu eftir eftir hana. Þeir sem að mættu ekki í veisluna eiga því forgangsrétt á þessum fjármunum, en þar sem það yrðu örfáir hundraðkallar sem hver og einn fengi vil ég leggja til að ég millifæri þessa fúlgu fjár á hann Höskuld og hún verði svo notuð til að greiða boltaskuldir við íþróttahús Háskólans og bolta nú á vorönn.

Það væri ágætt að fá viðbrögð við þessari tillögu sem fyrst svo að ég geti haft samband við fyrirtækjafulltrúa okkar og látið hann sjá um millifærsluna. Kv, Ásgeir

Eigið fé uppurið

2008-01-02T00:49:00.000Z

Gleðilegt nýtt ár, kæru söllar. Brátt fer söllaboltinn að rúlla á nýjan leik eftir langt jólafrí og kominn er tími á nýja hlutafjáraukningu. Hér koma nokkrar staðreyndir:

Fyrir tvöfaldan boltatíma greiðum við 3000 krónur.
Í haust borguðum við fyrir tíu fyrstu tímana. Boltarnir eru hins vegar orðnir fleiri en tíu, líklega í kringum fimmtán. Við skuldum því íþróttahúsinu nokkra tíma.
Tíu litlir söllastrákar tóku þátt í hlutafjáraukningunni í haust og borgaði hver þeirra 3000 krónur.
Söllastrákarnir tíu eru Hermann, Hlynur, Húnbogi, Höskuldur, Jón Árni, Kári, Rósant, Sigurjón, Vilhjálmur og Þorsteinn.
Staðan á söllareikningum góða er 10 söllar * 3000 kr/sölla - 10 tímar * 3000 kr/tíma + vextir = 114 krónur.

Ljóst er að nokkrir söllar sem tóku þátt í boltum fyrir áramót eiga enn eftir að greiða. Við þurfum að ganga frá þessum málum og fullgreiða þá tíma sem við eigum enn eftir að borga áður en við hefjum nýja almenna hlutafjáraukningu fyrir komandi boltavor. Nokkrir söllar sem dvöldu í Skandinavíu hafa snúið aftur og ósanngjarnt væri að nota hlutafé frá þeim til að greiða boltaskuldir frá því fyrir jól. Hvað segið þið, söllar? Hverjir eiga eftir að borga? Hvað skuldum við marga tíma?

Jólakveðja Söllenbergers

2007-12-27T19:23:00.000Z

Því miður leyfði fjárhagur félagsins það ekki að þetta kort yrði sent út til félagsmanna og annarra velunnara, en hér fyrir neðan má líta jólakort Söllenbergers 2007.

Ekki vera eins og Drogba

2007-12-25T16:53:00.000Z

Eru ekki allir til í útibolta milli jóla og nýárs? Hvaða dagsetning hentar mönnum best?

Super sunday - super saturday

2007-12-15T01:00:00.000Z

Þessa helgi er super sunday í enska boltanum. Ég legg til að við reynum að smitast af brjáluðum fótboltaáhuga og fjölmenna í bolta í dag. Hlakka til að sjá ykkur.

2007-11-08T10:24:00.000Z

Passið ykkur á laugardaginn, góarnir mínir.

Blogg bloggsins vegna

2007-10-23T14:55:00.000Z

Hlakkið þið ekki til boltans á laugardaginn? Hverjir ætla að mæta? Í hvernig stuttbuxum ætlið þið að koma? Eru einhver samsærislið að myndast?

Það er ekkert sem heitir frír fótbolti

2007-09-19T11:43:00.000Z

Hér má sjá Aron, forsprakka gula liðsins, geysast fram völlinn. Höskuldur (í hvítu) kemur engum vörnum við enda langt í burtu.

Bankareikningur sem notaður verður sem peningageymsla Söllenbergers var stofnaður í morgun. Fyrsta greiðsla er 3000 krónur. Endilega hendið því inn fyrir helgi.
Reikningsnúmerið er 311-13-177305 sem er alveg yndislegt númer. Kt. 2502852569. Ég þakka Höskuldi Pétri Halldórssyni og Aðalheiði Guðgeirssyni fyrir þeirra framlag í þessu máli.
Svo sjáumst við á laugardaginn í enn betri bolta en síðustu helgi. Ég er nefnilega búinn að yngja upp í skóm.

Bolti eftir 22

2007-09-14T16:15:00.000Z

Eftir tuttugu og tvo klukkutíma mæta Söllar alvaskir í bolta í íþróttahúsi Háskóla Íslands eins og undanfarin ár. Verður þetta vikulegur viðburður eins og undanfarin ár. Einnig vil ég leggja eitt til. Ég legg til að Hermann Þór Þráinsson verði gerður að Söllasúkkulaði eða Söllalærlingi í vetur. Hann er með eindæmum skemmtilegur og vel fær í boltanum. Hann á það sameiginlegt með Söllum að vera baráttuhundur og myndi líklega passa eins og flís við rass við hópinn. Og hann gerir það. Það vita menn sem mættu í sumarboltana okkar.

Þeir sem vilja að Hemmi verði gerður að Söllalærlingi (borgar jafnmikið fyrir salinn en er með takmörkuð Söllaréttindi) lýsi yfir stuðningi í athugasemdakerfi, takk.

Laugardagsboltinn

2007-09-03T11:51:00.000Z

Hössi og Kári unnu það óeigingjarna verk að panta tíma í salnum góða á sama tíma og síðastliðin ár. Kári vinnur nú það óeigingjarna verk að rita á þessa síðu meldingu þess efnis að salurinn sé líklega okkar.

M.ö.o. þeir Söllar sem tilbúnir eru að borga fúlgur fjár (veit ekki betur en að verðið sé það sama) fyrir að vera með í bolta í vetur eru hvattir til að láta vita af því hér. Þegar komið er í ljós hversu margir eru feikitil höldum við fund til að ákveða hverjir eru þess verðugir að fylla í skarð Skandinavíufaranna okkar ef þess verður þörf.

Fyrsti bolti verður líklega 15. september. Skráning í athugasemdakerfi fer fram næstum því fram að þeim tíma.

Planið í kvöld

2007-08-11T15:03:00.000Z

Jæja, nú styttist óðfluga í Söllagrillið.

Planið í kvöld er svohljóðandi:

* Hluti matarnefndar fer í verslunarleiðangur kl. 16
* Matarnefnd tekur til starfa hjá Sveini kl. 17 og byrjar að hnoða
* Aðrir Söllar mæti upp úr 18 og hefji gleðskap
* Matur á borð 18:30-19
* Almenn gleði að borðhaldi loknu, dansleikur með Jóni Geraldi og Milljarðamæringunum

Kv,
Ásgeir

Uppfærsla

2007-08-10T19:34:00.000Z

Nú styttist óðum í Söllagrill II þar sem að mönnum er boðið í grillið <=> að menn eigi Söllabúning. Staðan á gestalistanum er svona (10/08/2007 kl. 21:22:29):

Staðfestir eru að mæti:
* Ásgeir
* Brynjar
* Eiki
* Halli
* Hössi
* Jommi
* Kári
* Rósi
* Bessi
* Svenni
* Þossi
+ Leynigestur I
+ Leynigestur II

Staðfestir að séu á bakvakt og mæti kannski:
* Grjóni

Staðfestir að hafi ekki enn svarað og mæti kannski:
* Aron
* Salvör

Staðfestir að mæti ekki:
* Egill
* Hlynur
* Húnbogi (kemur þó á dansiball (partý))
* Villi S
* Össur (kemur þó á dansiball (partý))

Nánari upplýsingar er enn nær dregur.

Kv,
Ásgeir

Söllagrill XL

2007-08-06T18:40:00.000Z

Kominn tími á ferska færslu, þá vakna menn. Ellefta ágúst. Söllagrill. Rauðagerði þrjátíu og sex. Hamborgarar. Svo kveðjupartý. Sveins. Og Jóns. Fleiri sem fara. Jújú. Húni kemur ekki. Ekki Villi. Auðvitað ekki Hlynur. Egill Árni ekki heldur. En hverjir koma? Menn sem eiga Söllabúning mega koma í grillið. Verður að semja sérstaklega um aðra. Hverjir koma? Hverjir koma? Látið vita.

Bolti og Grill

2007-08-02T10:38:00.000Z

1. Hverjir eru til í bolta í kvöld kl. 21 í Safamýri? Látið vita í athugasemdakerfi.

2. Fínt væri að heyra frá fleirum hvort þeir hyggist mæta í Söllagrill II þann 11. ágúst.

Staðfestir eru að mæti:
* Ásgeir
* Brynjar
* Hössi
* Jommi
* Kári
* Rósi
* Grjóni
* Bessi
* Svenni

Staðfestir að mæti ekki:
* Hlynur
* Villi S

Fínt væri að fá upplýsingar frá fleirum svo að fara megi að ráðgera skiptingu eigna félagsins, hversu mikinn mat á að kaupa o.s.frv. Einnig er opið fyrir skráningu í matarnefnd, en í þetta sinn er planið að bjóða upp á grillaða hamborgara ásamt meðlæti. Látið vita í athugasemdakerfi.

Kv,
Ásgeir

Söllagrill II

2007-07-30T09:44:00.000Z

Sæliblessi,

Á KS fundi síðasta föstudag var ákveðið að leggja eftirfarandi tillögu fram á heimasíðu félagsins þar sem félagsmenn geta rætt um hana og greitt henni atkvæði.

1. Söllenbergers notfærir sér snögga veikingu krónunnar og selur Rússabréfin. Það fé sem fæst með sölu bréfanna verði lagt inn á bankareikning félagsins.

2. Þann 11. ágúst verði haldið Söllagrill II. Í tengslum við grillið verður bankareikningur félagsins tæmdur og innistæðu hans skipt á milli félagsmanna þannig að:
a) Þeir sem koma í grillið fá allir sömu upphæð á mann sem fer í að niðurgreiða matinn
b) Þeir sem koma ekki í grillið fá borgað skv. því hversu mikið fé þeir lögðu í félagið
c) Upphæð sem reiknast á hvern og einn verður nánar tilgreind þegar að ljóst er hve mikil mæting verður í grillið
Eftir grillið er svo stefnt að heljarinnar kveðjupartýi

3. Eftir grillið verður eiginfjárstaða félagsins 0 kr (að fráskildum væntum vöxtum sem koma á bankareikninginn um áramótin). Þannig verður búið að hreinsa borðið og Fjárfestingafélaginu Söllenbergers býðst að hefja leik á ný, laust við allar erjur um það hvernig fjármunum félagsins hefur verið ráðstafað hingað til. Fjárhagur Fótboltafélagsins og Fjárfestingafélagsins verður algjörlega aðskilinn og allir þeir sem vilja taka þátt í fjárfestingastarfseminni þurfa að kaupa sig inn á nýjan leik. Þannig verður enginn tilneyddur til að taka þátt í fjárfestingastarfseminni og hótanir um málaferli vegna starfseminnar tilheyra vonandi sögunni til. Íslenska réttakerfið hefur fengið nóg af Söllenbergerum fyrir næstu áratugi.

4. Haldinn verði stofnfundur Fjárfestingafélagsins og skipuð nefnd sem útfærir starfsemi þess nánar.

Kv,
Ásgeir

Fjárhagsárið hálfnað

2007-07-26T18:06:00.000Z

Sæliblessi,

Nú fer að líða að því að við þurfum að skila hálfsársuppgjöri til Kauphallarinnar. Af þeim sökum er réttast að birta nokkrar lykiltölur á meðan að leitað er að löggiltum endurskoðanda sem ræður við þær stóru tölur sem finna má í reikningum okkar.

Fjárhagsstaða félagsins er jákvæð um 0.000028103 milljarða sem er aukning um fullt af prósentum frá því í fyrra. Eignir félagsins skiptast í
* Bankareikningur: 6.853 kr
* Rússabréf: 21.250 kr

Þar sem að ég tek bráðum til starfa í útibú Söllenbergers í Danmörku held ég að það sé skynsamlegt að við losum um peninginn í Rússabréfunum (sem eru á mínum vörslureikningi) því að ég mun eiga erfiðara með að fylgjast með þeim frá Danmörku. Einnig legg ég til að fundinn verði annar gjaldkeri til að taka við hlutverki mínu meðan ég verð úti, í.þ.m. nenni ég trauðla að fljúga til Íslands og borga konunum í íþróttahúsinu leigukostnað.

Ég vil því athuga hvað þið viljið gera við peninginn úr Rússabréfunum, hvort þið viljið endurfjárfesta, einungis fjárfesta með gróðanum eða bara taka allan peninginn sem félagið á og slá upp hörkugrillveislu til að kveðja þá sem halda til starfa í útibúum Söllenbergers í Skandinavíu núna í haust. Tillögur óskast í athugasemdakerfi.

Kv,
Ásgeir

Mánudagsbolti

2007-07-23T13:15:00.001Z

Kemst einhver í bolta í kvöld?

2007-07-18T16:58:00.001Z

Nokkrir synir Sullenbergers ætla að heiðra kónginn með því að leika knattspyrnu á Camp Juice/Swan um áttaleytið í kvöld. Gaman væri að sjá sem flest andlit og sem flesta fríska fætur á vellinum.

Fimmtudagsbolti

2007-07-12T17:15:00.000Z

Hvað segja menn, eru ekki allir til í hörkubolta á eftir í góða veðrinu? Spurning um að hittast á Camp Safamýri 20 eða 21? Kv, Ásgeir

Söllaelítan

2007-06-25T20:36:00.001Z

Tókst að klúðra fókusinum...

Jæja þá er það ákveðið

2007-06-22T20:53:00.000Z

Á morgun munu Söllar hittast hjá Ferstiklu sem er í norðurhlíðum Hvalfjarðar. Þar rétt hjá er tjaldsvæði sem okkur stendur til boða. Við munum hittast þar um sex leytið og slá upp búðum. Þegar því er lokið tekur við stanslaust stuð með fótbolta, grilli og hinu alíslenska útileguskralli. Þarna rétt hjá er síðan sundlaug en auk þess er stutt í Saurbæjarkirkju fyrir menningarvitana og Vatnaskóg fyrir barnaníðingana.

Ef fólk er í vandræðum með að finna Ferstiklu þá bendum við á:

http://hotelglymur.is/stadsetning.htm

en hótel Glymur er við hliðina á téðu pleisi.

Eftirtaldir koma eða eru mjög líklegir:

Ásgeir, Bessi, Höskuldur, Húni, Jón, Rósant, Sigrún, Salvör, Sigurjón, Sveinn, Þorsteinn.

Við viljum benda þeim sem eru að vinna á laugardaginn á að það er 50 mín akstur að Ferstiklu frá bænum og því lítið mál að skjótast strax eftir vinnu.

Söllaútilega

2007-06-22T13:28:00.000Z

Eins og glöggir menn taka eftir er gamla Söllasíðan komin upp aftur. Það verður þó vonandi einungis til bráðabirgða og glæsileg síða mun rísa upp ef heppnin er með okkur. En þá að efni þessara skrifa.
Eins og allir vita á sjálfur Jón Gerald Sullenberger afmæli á sunnudaginn. Af því tilefni verður mikið um hátíðahöld og hafa nokkrir Söllar úr Borgartúninu tekið sig saman og skrifað pistil. Hann fer hér á eftir:

" Okkur í Borgartúninu langar til að varpa fram einni vægast sagt crazy hugmynd: Á morgun munu starfsmenn Kaupþings ganga Leggjabrjót en það er gönguleið frá Þingvöllum og inn í botn Hvalfjarðar. Ef allt gengur eftir verðum við komin heilu á höldnu inn í botn Hvalfjarðar um fjögur leytið á morgun. Samkvæmt veðurspánni verður frábært veður á morgun og því leiðinlegt að halda aftur í bæinn þegar maður gæti haldið áfram að njóta þeirrar óspilltu náttúruperlu sem Hvalfjörðurinn er. Okkur langar því til að stinga upp á Söllaútilegu á Laugardaginn í Hvalfirðinum. Menn hittast í botni Hvalfjarðar með tjöld og hvaðeina um miðjan dag. Því næst slá menn upp búðum á einhverju af hinum fjölmörgu tjaldsvæðum sem þar finnast en þó helst á tjaldsvæði sem býður upp á fallegt og slétt tún (fyrir fótbolta). Síðan spilum við fótbolta í góða veðrinu, grillum og höfum það gaman. Veðurspáin er frábær: http://www.vedur.is/ Okkur starfsmönnum Kaupþings hefur lengi dreymt um Söllaútilegu. Hví ekki að sameina aðal hátíðardag okkar Söllenbergers manna, skemmtilega útilegu, gott veður og fallega náttúru? Bestu kveðjur, Höskuldur Pétur Halldórsson Jón Emil Guðmundsson Rósant Ísak Rósantsson " Tjáið endilega áhuga hér í kommentakerfinu, þetta gæti orðið besta Söllaútilegan hingað til!

Bolti 17/06/07 kl. 14:00

2007-06-16T12:31:00.000Z

Hvað segið þið, hverjir eru til í þjóðhátíðarbolta kl. 14, jafnvel í Safamýrinni?

Kv,
Ásgeir

18. maí skal það vera

2007-05-15T14:51:00.000Z

Það tilkynnist hér með að grillveisla mikil verður haldin að Barðaströnd 14 á Seltjarnarnesi.

Mæting er til mín ekki mikið seinna en 19.00 og spjótunum verður hent á grillið um klukkan kl. 19.30 en spjótanefndin segir ykkur nánar frá því hvernig matnum verður háttað.

Kl. 22.00 verðum við búnir að kyngja síðasta bitanum og komnir á fjórða bjór og þá opnar húsið fyrir aðstandendur, maka og skemmtilegt, jákvætt fólk.

Ég ætla að skríða undir heita pottinn á eftir og sjá hvort ég get gert við hann (ég er kallaður Brynjar pípari af þeim sem þekkja mig vel). Ég hvet ykkur því eindregið til að taka með ykkur sundskýlu og handklæði ef þið viljið prófa heita pottinn.

Farið verður niður í bæ um tvöleitið og skemmtuninni haldið áfram þar

Djöfull verður þetta gaman

Haldið áfram að tékka á þessari færslu af því að þetta gæti breyst lítillega þegar Ásgeir klárar síðasta prófið.

Prufa

2006-06-29T12:23:00.000Z

Prufa

Boltinn í kvöld

2006-06-27T13:01:00.000Z

Bolti í kvöld á Camp East klukkan 21:10 stundvíslega (ekki 21:15 eða 21:20!). Þessu gæti þó seinkað til 21:30 verði leikur Spánn og Frakklands framlengdur. Ef í það stefnir verða send sms þess efnis svo enginn á að þurfa að hangsa í 20 mínútur.

Söllenbergers vs. FC Dominoz

2006-06-26T18:55:00.000Z

Sælir, Jæja, hættum þessari vitleysu. 1) Skot Eika var fyndið og ég tók því alls ekki illa 2) Mitt skot var ekki illa meint 3) Fyrr í vor lagði ég til að Aron yrði gerður að fyrirliða. Vissulega hef ég, ásamt öðrum, tekið að mér hin ýmsu störf fyrirliða, og ég hef hugsað mér að gera það áfram njóti ég enn stuðnings leikmanna. Næsti leikur: Fimmtudaginn kl. 20.00 á móti FC Dominoz. Þeir hafa ekki enn unnið leik og eru með markatöluna -29. Það þýðir þó ekkert að leggjast í neitt vanmat því þetta lið getur hafa verið óheppið með meiðsli og þar fram eftir götunum. Ég óska hér með eftir því að leikmenn láti vita (í athugasemdadálknum) hvort þeir komist eður ei. Næsti bolti: Á morgun eða á miðvikudaginn? Endilega látið skoðun ykkar í ljós í téðum dálki. Hvatningaorð: Söllar, nú tökum við þennan leik á fimmtudaginn. Með sigri erum við að stimpla okkur rækilega inn og sýna með því að við eigum enn möguleika á að komast í úrslitakeppnina. Söllen Söllen Söllen Berger! Kveðja, Rósi

Hættum þessari vitleysu

2006-06-25T21:55:00.000Z

Einhverjir muna eflaust eftir ferð vestur á Snæfellsnes síðasta sumar. Aðrir muna jafnvel eftir ferð sem var farin fyrir tveimur árum. Þeim Söllum sem fannst skemmtilegt þá, og hafa áhuga á, langar mig til að bjóða vestur helgina 15. og 16. júli. Eins og alltaf þá er möguleiki á veiði, golfi, súperfrisbí, sundferðum og eða gönguferðum auk þess sem skriðkólfurinn verður á svæðinu. Síðan geta menn bara grillað og drukkið Jameson. Ég lofa jafnframt góðu veðri umrædda helgi

Sorglegt...

2006-06-24T13:43:00.000Z

Sælir, Ég verð nú eiginlega að fá að svara fyrir mig. Talandi um sorg eiki: Í fyrsta lagi er það virkilega sorglegt að þú skulir ekki hafa neitt betra að gera kl. 4.00 um hánótt en að sitja sveittur fyrir framan tölvuskjáinn og googla nöfn liðsmanna þessa liðs. Þú varst pottþétt með stillinguna myndir valda fyrst og varst að vona eftir myndum af okkur þegar við vorum yngri. Eiki, ég hélt að þú hefðir lært af reynslunni eftir Kompás þátt NFS á Ægissíðunni um daginn; skamm skamm. Í öðru lagi er fáránlegt að ljúga um aldur sinn eiki, þú ert ekki tvítugur heldur kominn langt á sextugsaldur (rökrétt miðað við frammistöðu í leikjum). Með þessa vitneskju í farteskinu ákvað ég að googla þig og viti menn, http://visir.is/apps/pbcs.dll/article?AID=/20060623/FRETTIR01/106230029/1091 Það mun líða langur tími þar til að ég bið um eina Clinton með þér aftur! Kveðja, Rósi

Bloggsíður liðsmanna

2006-06-24T04:00:00.000Z

Rakst á þetta á netinu og fannst að ég yrði að deila þessu með ykkur. En mér finnst að það sé nú frekar sorglegt að ekki hafi neitt verið skrifað á þessari síðu síðan 2003 en þetta mun vera hetjusíða Rósa fyrirliða http://members.tripod.com/rosant_isak/. Með von um blogg á næstunni Kv Eiríkur Örn

JónsmessuBolti

2006-06-23T11:28:00.000Z

Sælir, Hvað segja menn um JónsmessuBolta kl. 23.00 í kvöld? Kveðja, Rósi

Söllenbergers gegn Team Lebowski

2006-06-21T20:22:00.000Z

Það hefur gerzt að við erum fáliðaðir í leikjum vegna þess einfaldlega að menn vita ekki af leiknum. Því vil ég setja það fram á skýran hátt: Söllenbergers leika gegn Team Lebowski. Leikurinn verður annað kvöld, 22. júní. Klukkan hvað? Klukkan átta. En ekki leggja áttuna á minnið, mæting er klukkan 19:20. Í búningum, 19:20, 22. júní. Team Lebowski er líklega lakasta liðið sem við höfum spilað við í sumar. En ég vil ekkert helvítis vanmat. Þeir eiga betri úrslit við Premier FC og þeir hafa átt einn stórsigur. SöllenSöllenSöllenbergers.

Þriðjudagsbolti

2006-06-20T12:39:00.000Z

Bolti í kvöld á Camp East klukkan 21:06. Nú þarf að koma sér í gírinn fyrir fimmtudaginn. Ekkert rugl. Látið vita af mætingu í athugasemdakerfið.

Hlaupaferð

2006-06-19T12:07:00.000Z

Liðið hefur staðið sig vel undanfarið og komið skemmtilega á óvart en alltaf má gott bæta. Þol leikmanna er ekki uppá sitt besta og yrði liðið töluvert sterkara ef menn kæmu sér í betra form. Ég mun frá og með deginum í dag hlaupa með undir nafni söllenbergers einu sinni til tvisvar í viku og er öllum velkomið að slást í för. Ég lít bara á þetta sem félagsskap og einnig hvatningu fyrir aðra til að fara út að hlaupa því það getur verið erfitt að drífa sig út.

Fyrsta útihlaup Söllenbergers verður haldið næstu helgi þ.e annaðhvort laugardaginn 24. eða sunnudaginn 25. júní.

Ég hef nokkrar hlaupaleiðir í huga sem eru m.a í laugardalnum, elliðaárdalnum, á Seltjarnarnesi og fossvoginum.

Auglýst betur síðar.

Endilega komið með ykkar skoðun og áhugasamir endilega látið í ykkur heyra og komið með hugmyndir að hlaupaleiðum.

Tek það skýrt fram að þetta er einungis aukaþjálfun og ekki er krafist af mönnum að mæta, einungis þeim sem áhuga hafa.

Kv. Svenni

Söllenkassinn

2006-06-18T16:47:00.000Z

Eins og elstu menn muna komu búningar liðsins í forlátum kassa á sínum tíma. Kassi þessi er stór og fyrirferðamikill og e-a hluta vegna hefur hann tekið alltof mikið pláss á gólfinu mínu síðustu vikur. Nú er mál að linni. Ég mun því mæta með kassann næst í bolta og pranga honum upp á e-n ykkar ellegar fara með hans til vina sinna í bylgjupappagámnum í Sorpu. Ásgeir

2006-06-16T13:34:00.000Z

Góður Bolti í gær! Jæja Söllar/a, það var nú aldeilis góður bolti í gær. Gott veður, fínn völlur og töff gaurar. Ég vona að þetta sé það sem koma skal því að eftir æfinguna í gær áttaði maður sig á því af hverju maður væri að standa í þessu. Ánægja, leikgleði og góður félagsskapur einkenndi boltann í gær og nú er bara að bretta upp ermarnar og halda þessu áfram. Hvað segja menn um komandi helgi...mér er alveg sama hvenær bolti verður þessa helgi, nema rétt´á meðan landsleiknum stendur. Hvað segiði um bolta klukka 11 í fyrramálið, svona í tilefni dagsins? Ef menn eru ekki á því að mæta á þessum tíma hvet ég þá til að koma með fleiri uppástungur. kv. Sveinn

Bara að pæla

2006-06-16T11:33:00.000Z

Hvernig er stemmningin fyrir bolta á morgun? En fyrir móralskri grillveislu?

Æfing á morguneftir!

2006-06-14T15:37:00.000Z

Minni á æfingu á morgun, Camp East, ~~20:00~~21:00. Látið endilega vita um það hvort þið hyggist mæta í athugasemdakerfið.

2006-06-14T00:42:00.000Z

Sælir Sælir... Fyrst vil ég biðja ykkur liðsfélaga mína afsökunar á þessu rauða spjaldi. Þetta var einungis uppsöfnuð reiði og pirringur því mér fannst dómarinn vera hræðilegur seinni hluta leiksins. Heimskulegt af mér. Leikurinn var þokkalegur að okkar hálfu. Við sköpuðum okkur fullt af færum þó sérstaklega í fyrri hálfleik. Ásgeir, Jommi, Egill, Rósi og Villi áttu allir hörku tilraunir sem hefðu hæglega geta endað með marki. Við bökkuðum ekki eins mikið og í leiknum á móti Ferró og sköpuðum okkur þess vegna þessi færi, sem mér finnst mjög jákvætt. Barátta liðsins var til fyrirmyndar í alla staði og stóðu allir leikmenn sig vel hvað það varðar. Ég vil þó sérstaklega hrósa Jóa fyrir frábæran leik, en að mínu mati var hann maður leiksins og tapið hefði hæglega geta orðið stærra ef hann hefði ekki staðið sig svona vel. Liðið er á réttri leið. Margir leikmenn Söllenbergers eru að stíga sín fyrstu skref í "alvöru" fótbolta og mér finnst framfarir liðsins vera miklar, spilið er gott og baráttan og varnarleikur er góður. En það er einn þáttur sem mér finnst vanta, og það er að tala betur saman inn á vellinum. Ég er ekki endilga að tala um að öskra allan leikinn eins og ég á til, en bara að kalla hátt og skýrt á boltann, vara liðsfélaga hátt og skýrt við manni og tala með sendingu, þá á ég við að þegar maður sendir boltann þá er gott að kalla og segja hvort maðurinn megi snúa eða hvort hann sé pressaður af lúmskum varnarmanni. Auðvitað kemur þessi þáttur, en við verðum að laga þetta sem fyrst. Ég vil líka koma einu á framfæri. Án allrar væmni þá veit ég að ég öskra soldið mikið á vellinum bæði hvatningarorð og einnig önnur stýriorð. Ég vona að enginn taki það nærri sér þó að ég tali soldið höstuglega við hann en ég geri þetta bara ósjálfrátt og í ÖLLUM tilvikum er ég einungis að reyna að stýra mönnum og leiðbeina þeim. Fyrir hvern leik reyni ég eftir mesta megni að tala ekki svona mikið inn á vellinum en svo þegar á hólm er komið klikkar allt. Ég vona bara að menn séu ekki sárir né reiðir, því að ég meina ALLTAF vel. jæja hvað um það... Mæting hefur verið soldið slæm uppá síðkastið og form liðsins er þar af leiðandi ekki sérstaklega gott. Við þurfum að koma okkur í betra form því að það á að vera okkar styrkur gegn hægari og úthaldslausum liðum. Legg ég það til að við höldum nokkra bolta þangað til næsti leikur er og vona að menn sjái sér fært um að mæta. Jæja...ég þakka fyrir góðan leik og vonandi hittumst við í bolta sem fyrst. kv. Sveinn

SÖLLENBERGERS vs. ginola

2006-06-13T10:23:00.000Z

Sælir félagar, Leikur í kvöld. Mæting 21.20 í Austurberg. Ég tók mér bessaleyfi og stillti upp væntanlegu byrjunarliði. Við spilum 2-3-1. Mark: Eiki, vörn: Svenni og Hössi, hægri kantur: Villi, miðja: Egill, vinstri kantur: Binni, striker: Jommi. ps.1: Slæmar fréttir: Atli kemst ekki í kvöld. ps.2: Góðar fréttir: Atli ætlar að mæta á æfingar héðan í frá. Kveðja, Rósi

Dulbúin tilraun til að festast í sessi

2006-06-11T23:10:00.000Z

Þar eð ég kemst ekki á þriðjudaginn að spila bikarleikinn hugsa ég að einhver annar muni standa vaktina við markið í þetta sinn. Það minnti mig á stórlið. Ég spilaði í deildinni í síðustu viku og einhver annar í bikarnum í þessari viku. Ég legg til að við göngum alla leið í að líkjast Chelsea og höldum þessu áfram. Höfum einn markvörð í deild og annan í bikar. Það finnst mér töff. Og ekki leiðum að líkjast, Cech og Cudicini.

Í umhverfisarminum verður ekki þaggað niður

2006-06-10T11:54:00.000Z

Hver í fjandanum setur sig á svo háan stall að hann þykist hafa völd til þess að eyða færslum út af þessu bloggi án þess að spyrja kóng né prest? Sem ónafngreindum meðlimi umhverfisarmsins sárnar mér þegar ég lít á bloggið morguninn eftir að færsla frá okkur hefur verið sett inn og sú færlsa er horfin. Alveg er það dæmigert að reynt sé að þagga niður í fólki með því að búa því til annan vettvang til að tjá sig á, dæmi eins og menntagatt.is þar sem að fólki var bent að tjá sig um breytingar á framhaldsskólanámi er dæmi um slíkar aðgerðir sem ætlað var að drepa niður allan kraft í umræðunni. Umhverfisarminum verða ekki boðnir slíkir ömurlegir kostir og ætlast til þess að hann sætti sig við það möglunarlaust. Ég veit ekki hver er ábyrgur fyrir þessum árásum á hann, grunar ýmsa en ætla ekki að nefna nein nöfn. En eitt er víst og það mega menn bóka, það er hægt að eyða færslum okkar en það er ekki hægt að eyða okkur og baráttuhuga vorum. Jakob Björnsson PEREAT

Æfingin á morgun!

2006-06-09T15:26:00.000Z

Sælir, Snillingarnir verða líka stundum að æfa sig: Camp East kl. 10 á morgun! Kveðja, Rósi

Sigurleikur

2006-06-09T12:58:00.000Z

Þeim, sem voru fyrir tilviljun staddir við gervigrasið hjá Leikni klukkan rúmlega níu í gærkvöldi, var skemmt þegar sigurreifir, bláklæddir og íþróttamannslegir drengir tóku sigurhringinn á grasinu gervi. Við nánari skoðun var um að ræða gulsokkurnar í Söllenbergers. Gat það verið? Höfðu Söllenbergers rekið af sér slyðruorðið og unnið leik? Jú, það var ekki um að villast, gleðin skein úr andliti viðstaddra. Já, nú höfum við unnið einn leik. Það var ekki heppni og það var ekki eitthvert grínlið sem við kepptum á móti. Þvert á móti (úúú, fallegt). Áður en þeir kepptu við okkur höfðu þeir tapað naumlega gegn sterku liði Ginola, pakkað Bakkusi saman og unnið góðan sigur á Hvatberum. Jú, úrslitin gegn okkur voru þau verstu í sumar fyrir FC Ferro. Við getum ekki annað en dregið þá ályktun að við eigum í fullu tré við öll lið í deildinni. Hvað gerðist? Af hverju unnum við allt í einu lið með tvífara Fjölnis Þorgeirssonar innanborðs? Galdrar? Nei, leikur okkar small saman og við lékum vel. Við vorum einfaldlega betri en andstæðingar okkar. Ekki mistakalaus leikur en nógu mistakalaus. Góð vörn en kannski fullmikil vörn. Ég vil persónulega þakka varnarmönnum fyrir vel spilaðan leik. Þetta voru greinilega gaurar sem kunna að skalla en upp við mark okkar var aldrei hætta, hvílíkir varnarskallar, hvílík vörn, takk, strákar. Góð barátta. Höldum þessu áfram og ég kemst ekki í bikarleikinn á þriðjudaginn. Áfram Söllenbergers.

SÖLLENBERGERS vs. fc ferró

2006-06-06T22:37:00.000Z

Sælir, Ég var ákveðinn í að skrifa langa hvatningar/skammarræðu. Ákvað að sleppa því. Sannir Söllenbergerar munu finna löngun til að mæta á æfingar og sannir Söllenbergerar munu gefa sig alla í leikinn á fimmtudaginn svo að við munum uppskera langþráðan sigur. Mæting kl. 19.20 í Austurberg á fimmtudaginn. Rósi

Æfingin á morgun!

2006-06-05T22:23:00.000Z

Sælir, Æfingin á morgun verður kl. 20 í Camp East. SMS-vefurinn liggur niðri svo endilega látið skilaboðin berast! Kveðja, Rósi

2006-06-05T20:23:00.000Z

// Blogger bilaður enn eina ferðina, en þökk sé Kára(hnjúkum) kemst hún inn á síðuna. Ásgeir Sælir verið Söllenbergerar Nú hafa ökklameiðsl hrjáð mig síðustu dagana og hef ég þess vegna því miður ekki getað tekið þátt í starfi liðsins eins og ég hefði kosið. Ég hef þó engu að síður ætíð heyrt nýjustu fréttir af starfseminni, annað hvort hér á síðunni eða þá í matarhléum í vinnunni og áhyggjur eru farnar að skjóta rótum í huga mínum. Ljóst er að úrbóta er þörf og hef ég því tekið saman áætlun í nokkrum liðum sem er til þess fallin að hjálpa liðinu við að rísa upp úr öskutónni. 1. Æfa saman. Útséð er um að það gangi lengur að ætla að halda æfingar á morgnana á laugardögum. Nú þegar sumarið er komið þurfa flestir liðsmanna að vakna á morgnana til að mæta í vinnu og eini möguleikinn á að sofa út er því um helgar. Mér heyrist það á fólki að það vilji eiga tækifæri á að sofa út með kærustunni (sbr. Kára), liggja heima í þynnku (sbr. Villa Stein) eða einfaldlega vaka alla nóttina, borða popp og horfa á Playboy TV (sbr. Rósa). Ef boltanum yrði seinkað og hafður síðdegis, líkt og lagt var með upphaflega síðasta haust held ég hins vegar að á þessu yrði gerð bót og allir yrðu sáttari fyrir vikið. Helstu rökin fyrir að hafa boltann á morgnana voru sú að þá ættu menn daginn allan eftir til að geta lært en lærdómurinn yrði ekki truflaður af bolta á miðjum degi. Ljóst er að sú ástæða er ekki fyrir hendi lengur og því mælir fleira með að hafa bolta seinna en snemma. 2. Tala saman. Nú tel ég sjálfan mig ekki í hópi þeirra sem mesta reynslu hafa af tuðrusparki hafa í liðinu og hef því haldið mig fyrir utan átök um leikskipulag og önnur slík málefni. Hins vegar hef ég orðið vitni að þónokkrum samtölum þar sem að menn eru að skammast yfir fjarverandi liðsfélögum sínum og slíkt óþolandi ástand gengur ekki lengur. Sú gamla klisja að það borgi sig heldur að tala beint út en skammast og baktala menn á svo sannarlega við hérna, með þessu áframhaldi sé ég fram á að ófremdarástand verði búið að skapast næsta haust og það held ég ekki að sé vilji neins. Ef þið eruð fúlir út í félaga ykkar vil ég því eindregið hvetja ykkur til að segja þeim það strax en ekki byrgja inni gremju í þeirra garð, þannig verður andrúmsloftið í liðinu hreinna og uppsöfnuð gremja kemur ekki til með að brjótast út þegar við síst eigum við því. 3. Drekka saman. Allt frá dögum Sókratesar hefur einfaldasta leiðin til að hrista hóp saman verið talin að sitja saman að sumbli og slík speki á líka við á okkar dögum. Lærisveinar Sókratesar voru blautir flesta daga ársins ásamt læriföður sínum og þó að við eigum e.t.v. ekki færi á að bjóða læriföður okkar, sjálfum Papa Gerald, í samdrykkju legg ég engu að síður til að bráðlega förum við að fordæmi þeirra, grillum og hellum í okkur. Pössum okkur bara að það sé ekki leikur daginn eftir... 4. Klæðast saman. Sjaldan hefur mórallinn meðal liðsmanna verið betri en einmitt þegar búningarnir glæsilegu komu til okkar. Nú hef ég ekki í hyggju að við tökum þátt í dragkeppni til að þétta hópinn, DónaGrjóni verður að sjá um að uppfylla þá draumóra sína sjálfur. Ég fékk hins vegar þá hugmynd að við mundum útvega meira af Söllenbergers fatnaði og fann í því skyni vörubækling frá fyrirtækinu Tanna, sem nálgast má hér. Þarna má finna fullt af skemmtilegum varningi, en ég legg til að við látum prenta á venjulega stuttermaboli merkið okkar góða aukt þess að við látum framleiða 19 gular húfur merktar liðinu. Heiðar snyrtir mælir allavega persónulega með gulum húfum í stíl við sokkana og ég held líka að það gæti orðið töff. Ég skal fara í það að kanna kostnað við þessa hugmynd á morgun, þriðjudag. Af þessu má sjá að ekki er öll nótt úti enn í liðinu og margt hægt að gera til að peppa liðsmenn upp. Ég vona að þessar hugmyndir hljóti brautargengi hjá samfélögum mínum í liðinu og að við munum rústa FC Ferro næsta fimmtudag eins og við eigum sjálfsögðu að gera. Baráttukveðjur, Ásgeir, sonur Söllenbergers nr. 13

Góður bolti

2006-06-04T15:06:00.000Z

Sælir, Góðar fréttir: Söllenbergerar héldu góðan bolta áðan þar sem liðið reis upp úr öskustó líkt og Fönix hér forðum og gjörsigraði sterkt balkan- lið. Kveðja, Rósi

Endurreisnar-Bolti

2006-06-03T20:49:00.000Z

Sælir, Reynum einu sinni enn: hvað segið þið um bolta kl. 12.00 í Camp East? Kveðja, Rósi

Eru menn búnir að gefast upp?

2006-06-03T17:49:00.000Z

Sælir Söllenbergerar, Nú spyr ég, eru Söllenbergerarnir búnir að gefast upp? Eftir tvo slaka leiki er eins og allur vindur sé farinn úr liðinu. Það sást best á hörmulegri mætingu á æfinguna í morgun þar sem nokkrar hræður mættu í þeirri trú að aðrir Söllenbergerar myndu mæta. En nei, þessir aðrir Söllenbergerar mættu ekki þrátt fyrir að einhverjir hafi boðað komu sína á þessari síðu. Ég tala fyrir hönd nokkurra Söllenbergera þegar ég segi að nú er komið nóg af þessum helvítis aumingjaskap. Það eru alltaf sömu mennirnir sem mæta seint/ekki en ætlast síðan alltaf til þess að fá að vera með í öllu gamaninu. Það hljóta allir aðilar að sjá að það er ósanngjarnt gagnvart öðrum í liðinu að boða ekki forföll á æfingar eða segjast ætla að koma og sleppa því svo bara! Liðið er í miklum öldudal um þessar mundir. Hörmuleg útreið í síðasta leik getur kennt okkur að við þurfum að líta í eiginn barm, því þar leynist vandinn. Ég er þess fullviss að við búum yfir sterkum hóp knattspyrnumanna og síðustu tveir leikir þurfa ekki að vera vísir að því sem koma skal í sumar. En til þess að við náum að snúa við þessari þróun þá þurfum við að taka okkur saman í andlitinu og rífa liðið upp. Það gerum við með því að hittast, ræða málin og taka góðan bolta. Það á að viðra vel á morgun, kannski einhver smá rigning, en það er fínt, þá skolast kannski skíturinn af baki Söllenbergers. Rósi

Boltinn

2006-06-02T18:50:00.000Z

Bolti klukkan 11 á morgun? Málið?